आमच्याबद्दल

सन १९४५ मध्ये एका शिक्षक बांधवाच्या कठीण आर्थिक प्रसंगात मदतीचा हात देण्यासाठी 'शिक्षक परस्पर सहाय्यक संघा'च्या रूपाने लावलेले एक छोटेसे रोपटे आज 'पुणे माध्यमिक शिक्षक सहकारी पतपेढी' या डोलदार वटवृक्षाच्या रूपात उभे आहे. केवळ एका मदतीच्या भावनेतून सुरू झालेला हा प्रवास आज संपूर्ण पुणे जिल्हा कार्यक्षेत्रात आपल्या यशाचा आलेख सातत्याने उंचावत आहे.

आमचे संचालक मंडळ केवळ आर्थिक कारभारच करत नाही, तर सभासदांचे सर्वांगीण समाधान हेच आमचे मुख्य ध्येय आहे. कर्जाच्या व्याजदरात कपात करून सभासदांवरील आर्थिक बोजा कमी करणे, ठेवींवर आकर्षक परतावा देणे आणि कर्जदार व जामीनदार यांच्या सुरक्षिततेसाठी ठोस विमा योजना राबवणे, ही आमची प्रमुख धोरणे आहेत.

आर्थिक प्रगतीसोबतच सभासदांच्या जीवनशैलीचा स्तर उंचावण्यासाठी आम्ही आरोग्य शिबिरे, व्यावसायिक प्रशिक्षण आणि देश-विदेशातील सहलींचे यशस्वी आयोजन करतो. सामाजिक बांधिलकी आणि सभासद हित जोपासत, आधुनिक तंत्रज्ञानाच्या साहाय्याने पारदर्शक सेवा देण्यासाठी आम्ही कटिबद्ध आहोत. 'सहकार हेच जीवन' या ब्रीदवाक्याला स्मरून, प्रत्येक शिक्षक सभासदाच्या आर्थिक व सामाजिक उन्नतीसाठी आम्ही निरंतर कार्यरत आहोत.